Apre yon nwit kote tanperati te desann toupre nivo pou dlo fè glas, madi, plis pase 20 soukous, ak pwisans 4.0 pou pi piti, te souke zòn fwontyè ant 2 peyi yo.
Direktè-Jeneral Òganizasyon Mondyal Lasante (OMS) Tedros Adhanom Ghebreyesus eksprime sipò li pou pèp Tiki ak Siri e li di chif sou kantite viktim yo pa moutre doulè fanmi ki pèdi yon manman, yon papa, yon pitit fi, yon pitit gason anba debri yo – oubyen ki pa konnen si moun pa yo vivan oubyen mouri.”
Tedros, ki t ap pale nan yon reyinyon OMS nan Jenèv an Swis, di òganizasyon an ap voye avyon charter nan 2 peyi yo ak materyèl medikal e pwal travay pou sipòte yo pandan y ap rekanpe sou pye yo e rebati lakay yo.
Èd ap soti nan Inyon Ewòp la ak nan plis pase 26 peyi, tankou Etazini, LaRisi, LaChin, Israel, Grès, Kore di Sid, Pakistan, Grand Bretay, elatriye.
