Asanble Nasyonal Venezyela a adopte yon pwojè lwa ki pral kontwole epi enspekte tout oganizasyon non-gouvenmantal (ONG) kap travay nan peyi a. Aktivis yo rele anmwe pou mezi sa a.
Si palman an adopte pwojè lwa a, ki se yon bagay palamantè yo pwomèt pou yo fè rapidman - militan yo gen ke sote sa pral mete baboukèt nan bouch ONG kap opere nan Venezyela a epi anpeche yo fè travay yo akoz nouvo menas ak zak kraponaj.
Si yon ONG jwen apwobasyon gouvènman an, li pral oblije bay detay sou kantite lajan li antre, idantifye donatè yo epi yo pral entèdi yo patisipe nan aktivite politik ni pwomosyon zak ki ta menase stabilite nasyonal la ak enstitisyon leta yo.
