Prezidan peyi Tiki a lage lendi gwo dout sou lajisma l-OTAN apre li fin bay avètisman ke Swèd pa dwe espere sipò li pou antre nan alyans militè a apre manifestasyon ki te fèt nan wikenn nan nan Stockholm, e nan tèt pwotestasyon sa yo te gen yon militan kont Islam ak kèk gwoup ki anfavè Kurd.
Prezidan Recep Tayyip Erdogan kritike sevèman manifestasyon ke Rasmus Paludan te òganize samdi kote moun te boule Quran, e Erdogan di sete yon derespektan pou tout moun, espesyalman Mizilman yo. Li te move kou kong sou otorite nan Swèd daprezavwa yo te kite manifestasyon sa yo dewoule devan anbasad Turki nan Stockholm anba “pwoteksyon” fòs sekirite yo.
