Administrasyon Biden-nan ap make 4 lane depi òm dafè ameriken Paul Whelan fèmen nan prizon nan LaRisi.
Sekretè Deta Anthony Blinken di nan yon kominike mèkredi ke liberasyon Whelan rete yon gwo priyorite administrasyon-an.
Otorite ameriken-yo te espere mete Whelan nan yon boukantay prizonye, mwa sa-a, kote yo te boukante vedèt basketball feminen WNBA Brittney Griner pou yon machann zam ris ki te anba kondanasyon, Viktor Bout. Administrasyon Biden nan konsidere ke Whelan, tankou Griner, te pran prizon enjisteman.
