Anons sa a parèt bonè nan lendi nan yon diskou televize ki pase toupatou nan peyi a apre gwo manifestasyon ki dewoule nan peyi a dimanch la prensipalman nan Lima kapital la kote pèp souvren ap reklame òganizasyon eleksyon rapidman apre palman retire sou pouvwa a prezidan gochis Pedro Castillo ki t ap chèche kraze palman an e pou l te dirije ak kout dekrè.
Yon ti tan apre destitisyon an , lapolis te arete ansyen prezidan Castillo nan moman li t ap kite Palè Prezidansyèl la nan Lima.
Dapre lapolis, gen 2 moun ki mouri , pami yo yon adolesan, e plizyè lòt blese nan manifestasyon sa yo kont nouvo prezidan an Dina Boluarte
Responsab lapolis yo di yo regrèt lanmò sayo e yo eksprime kondoleyans yo bay fanmi viktim yo
Dina Boluarte ki se 5èm prezidan peyi a depi 2016, , se yon ansyen pwokirè e vis-prezidant Castillo. Li nonmen yon ansyen pwokirè Pedro Angulo kòm premye minis .
