Fanatik yo pa oblije fè tès COVID pou antre Katar pou ale gade match koup di mond 2022. Otorite yo wete obligasyon sa yo pou tout vizitè apati 1 novanm, 20 jou anvan kòmansman chanpyona a. Se ministè sante piblik la ki anonse mezi sa yo.
Mondyal-2022 ap kòmanse 20 Novanm e l ap fini 18 Desanm. Se premye gwo evènman spòtif mondyal ki ouvè pòt li piblikman depi kòmansman pandemi a an 2020 e yo espere plis pase yon milyon espektatè va vinn asiste match yo nan peyi Katar.
