Brian Nichols, diplomat pi wo plase Depatman d Eta kap travay zafè Emisfè Lwès la, ak Lyetnan Jeneral Andrew Croft, kòmandan adjwen kòmandman Sid Ameriken an, al pase 2 jou nan Port-au-Prince kote yo pral rankontre ak Premye Minis Ariel Henry ak lòt moun ki enpòtan pou rezolisyon kriz la, dapre Depatman d Eta.
Gouvènman ayisyen an te mande ofisyèlman asistans entènasyonal vandredi pou ede rezoud pwoblem ensekirte a, epi tou pwoblem rate kabiran an akoz gang ame ki pran kontwol pi gwo tèminal petwol peyi a.
Dapre yon otorite Ameriken ki pat vle pou yo site non li, ekip ameriken an pral diskite ak otorite yo, " sou demann premye minis la te fè a epi asire ke nou rete angaje ak tout sektè nan sosyete ayisyen an pou asire ke kominote entènasyonal reponn bezwen Ayiti".
Ofisyèl la te di Etazini ap chèche tou "akselere" nouvo asistans imanitè pou konbat kolera a ak bay popilasyon an gaz.
Men, ofisyèl ameriken an di ke Washington te konsantre sou ranfose Polis Nasyonal Dayiti, ki te kreye an 1995 anba premye prezidan eli peyi a, Jean-Bertrand Aristide, pou asire kontwòl sivil yo epi pote sekirite.
Lèzetazini, depi lontan se yon jwè kle ann Ayiti, kote yo bay $90 milyon depi ane pase a pou ranfòse lapolis, epi $171 milyon asistans imanitè.
