PRAG (AP) — Lidè Inyon Ewopeyen yo, ki rasanble nan vil Prag, ap eseye konble diferans ki genyen ant yo sou limit ki dwe genyen sou priz gaz la. Chita tande sa a ap fet nan moman sezon fredi a ap apwoche. Dapre yo, se lagè Larisi lanse nan Ikrèn ki alimante kriz enèji sa a ke mond lan ap travèse.
Yo espere jwenn yon antant sou limit pri gaz la, paske kriz enèji lakoz ni konsomatè ni biznis yo ap achte gaz la byen chè.
Kriz gaz la kapab debouche tou sou blakawout total. Faktori yo pral fèmen e ap gen yon gwo resesyon pandan sezon fredi a.
Pandan ke peyi Ewopeyen yo ap ranfòse sipò yo bay Ikrèn kote yo ap voye zam nan Kyev, lajan ak lòt èd, Larisi redwi oswa koupe gaz natirèl lap founi bay 13 peyi manm inyon Ewòp la.
