Yon tribinal ris fikse jodi lendi a 25 Oktòb kòm dat pou vedèt basketball ameriken Brittney Griner pote nan kou dapèl santans 9 lane prizon ki sou do l poutèt li te posede dwòg lè l te antre nan peyi a.
Griner, yon jwèz nan pozisyon sant nan ekip Mercury ki nan lig WNBA, lig basket feminen ameriien an, e ki te pran 2 fwa meday lò nan Je Olenpik, te tonbe anba kondanasyon 4 Daout pase apre lapolis te jwenn mamit vape ki te gen lwil cannabis nan malèt-li nan Aewopò Sheremetyevo nan Moskou.
Tribinal rejyon Moskou a di li pwal tande apèl Griner a.
Griner admèt ke li te gen mamit yo nan malèt li men li temwaye ke li te mete yo pa erè lè li t ap prese e ke li pa te gen entansyon kriminèl. Ekip avoka defans li te prezante deklarasyon ekri ke li te gen preskripsyon cannabis pou trete doulè.
