Rapè Coolio, youn nan atis hip hop ki te pi popilè nan ane 90 yo mouri. Pami hit misye yo genyen Gangsta's Paradise epi Fantastic Voyage.
Manadje atis la di Associated Press ke Coolio mouri kay yon zanmi nan Los Angeles Mekdredi. Koz lanmò li poko klè. Li te gen 59 an.
Coolio te ranpòte yon pri Grammy pou meyè pefòmans rap solo pou "Gangsta's Paradise," ki te rive nan nimewo 1 sou lis chante ki pi popilè Ozetazini an 1995. Mizik sa a te sèvi kòm tèm pou film "Dangerous Minds" ak vedet sinema Ameriken Michelle Pfeiffer.
