Moskou fè konnen se pwoblèmm teknik, ansanm ak sanksyon ekonomik ke Etazini ak alye li yo enpoze sou LaRisi, ki lakoz deranjman nan distribisyon enèji a. Peyi Ewòp ki te voye minisyon bay gouvènman Kyèv la e ede antrene konbatan li yo akize LaRisi kòmkwa l ap fè pwovizyon enèji ke yo achte nan men Moskou tounen zam kont yo.
Kèk analis sou gè a di mank gaz ak lavi ki vin pi chè a ka redui detèminasyon l-Oksidan nan sipò li pou Ikrèn.
Moskou fè konnen li gen plan kite Nord Stream 1 an, prensipal manman-tiyo ki pote gaz ann Almay, fèmen, e gwoup G-7 la fè konnen l ap mete limit sou pri gaz ki ap soti nan LaRisi. La Risi, bò kote pa l, di li p ap vann okenn nan peyi sa yo gaz.
