E prezidan Zelenski ekri sou telegram “ laterè delibere Larisi lè l atake santral la ka gen konsekans katastwofik pou lemond antye. Se sak fè, dapre lidè Ikrenyen-an , l’ONI dwe asisre enstalasyon stratejik sa-a , demilitarize-l e liberel konplètman ak twoup ris-yo.
Prezidan Zelenski pale konsa apre l te fin rankontre sekretè jeneral lONI-an Antonio Guterres ak prezidan tik la Recep Tayyip Erdogan.
Mesye Gutteres , bò kote pal, mande demilitarizasyon santral-la, retrè materyèl ak pèsonèl militè.
Fok nou mete bon sans devan pou evite tout aksyon ki ka mete an dan je entegrite fizik , surete ou sekirite santral nikleyè-a . Enstalasyon-an pa dwe itilize nan kad yon operasyon militè
Mesye Guterres mande pou genyen yon tanat kif è sou enstalasyon-an
Pandansetan lyetnan jeneral Igor Kirillov, komandan fos pwoteksyon radyolojik, chimik e byolojik lame ris di twoup Ikrenyen yo te prevwa atake Santral la Vandredi pandan vizit Antonio Guteres nan port Odessa a pou yo te lage l sou do Larisi . Demanti soti nan tou 2 kan-yo Ikrèn ak Larisi .
3 lidè mondyal yo : Zelenskyy, Guterres et Erdogan diskite tou sou mwayen pou mete fen nan lagè e ak ekspedisyon sereyal Ikrenyen ( Mayi, ble e latriye) ke LaTiki ak LONI tap negosye, aksyon Larisi te bloke pandan plizyè mwa nan Lamè nwa-a . Gen plsi pase 560 mil ton sereyal ki ekspedye jiskaprezan.
Guterres gen poul vizite Istanboul pou l visite sant koòdinasyon kap kontwole e enspekte bato kap fè antre soti dapre demand Larisi.
