Eksplozyon massif frape, ayè madi-a, yon depo minisyon militè nan Krime ki anba kontwòl LaRisi, sa ki limen dife e fòse evakyasyon plis pase 3-mil moun.
Eksplozyon gwo kalib-yo fèt nan yon depo minisyon nan Mayskoye, 2èm fwa eksplozyon fèt nan yon semèn nan pòs ris-yo nan teritwa ke LaRisi te sezi an 2014.
LaRisi, san lonje dwèt sou moun-yo ki komèt zak-la, kalifye dènye eksplozyon-yo kòm yon « zak sabotaj ». Yo fèt apre atak, semèn pase-a nan baz avyasyon militè Saki, ki te detwi 9 avyon ris.
Ikrèn pa revandike responsablite pou ensidan nan Mayskoye-a, men konseye prezidansyèl Ikrèn Mykhaylo Podolyak poste yon Tweet ki di, « Krime ke Ris-yo okipe-a, sa ki ladann se depo, eksplozyon ak gwo risk pou anvayisè ak vòlè pèdi lavi-yo. Se destriksyon tout zam ki sou teritwa sa a k ap fèt la. »