Pandan gen kritik kòmkwa li te pran tan pou l reponn kòmsadwa epidemi viris varyòl senj la k ap vale teren, yon gwo responsab sante Ameriken deklare yon eta dijans jedi.
"Mwen vle anonse jodi a ke mwen pwal deklare yon ijans sante piblik sou kesyon varyòl senj la," se konsa Xavier Becerra, sekretè sante ak popilasyon, te pale ak jounalis nan yon konferans sou telefòn.
Deklarasyon ijans la vini apre Òganizasyon Mondyal lasante (OMS) te fè yon anons menm jan an, sa gen preske 2 semèn.
Eta ameriken Kalifòni, Illinois ak New York te deklare tou ijans sante piblik akoz viris la k ap vale teren, ki bay yon maladi ki fè mal, men ki pa touye moun fasil.
