Ikrèn te anonse Lendi ke li te resevwa nouvo sistèm lansman wokèt nan men Etazini ak Almay, pou l ranfòse asenal li nan atiri.
Minis defans Oleksiy Reznikov te di sou Twitter kat nouvo lans wokèt HIMARS Ameriken ak premye nan yon pakèt MARS II Alman yo te rive nan Ikrèn.
Pandan misye Reznikov te reyaji sou dènye livrezon sa yo tou ki soti nan Washington, li te di li "rekonesan" anvè Prezidan Joe Biden ak tokay Ameriken li a Lloyd Austin paske li te ede "ranfòse" lame Ikrenyen an.
MARS II apwovizyone pa Almay se twazyèm sistèm lans Wokèt avanse apwovizyone Ikrèn pa alye Lwès li yo ansanm ak HIMARS ak MLRS M270. Jiska prezan Etazini te livre anviwon 20 sistèm HIMARS nan Ikrèn nan kad pwogram li pou ede lame Ikrenyen an fè fas a envazyon Ris la.
Minis Reznikov te mande Washington mwa pase a voye plis sistèm defans, li di yo te itilize yo pou detwi anviwon 30 pòs kòmandman Ris ak depo minisyon.
