Depi jou basketez vedèt Amerikèn Brittney Griner te parèt nan tribinal pou asiste pwosè li pou posesyon marijuana,anpil moun ap poze kestyon sou kisak pral rive. Pandansetan, gen kontak diplomatik nan wo nivo kap fèt ant La Risi ak Lèzetazini.
Vedèt WNBA a ak loreya meday lò Olenpik sipoze retounen nan tribinal Madi.
Sa fè yon mwa depi pwosè li te tanmen. Li taka kondane pou pase 10 zan nan prizon si tribinal la jwenn ni koupab.
Pandan pwosè a ap pwogrese, administrasyon Biden nan ap fè fas ak anpil demann pou pase a laksyon pou fè Ris yo lage li.
Nan yon mezi ekstraodinè, Sekretè d'Eta Antony Blinken te pale semèn pase a ak tokay Ris li, Sergey Lavrov kote li te ankouraje Misye aksepte yon òf kote Moskou ta libere Griner ak yon lòt Ameriken ki rele Paul Whelan ke La Risi akize de espyonaj.
