Ajans nouvèl Kore di Nò KCNA te deklare ke Washington te "enstale anpil laboratwa byolojik nan plizyè douzèn peyi ak rejyon, ki gen ladan Ikrèn, sa ki defye trete entènasyonal yo" e yo refere akisasyon sa yo ak plizyè eleman prèv ke otorite Ris yo te "detekte".
Pyongyang, yon alye Moskou, te akize Washington tou deske li te "patwone teworis byolojik" e li kontinye pou di ke Washington te mennen yon gè biologik pandan Lagè Koreyen an nan ane 1950. Ni Pyongyang, ni Peken, ni Moskou te lanse akisasyon sa a plizyè fwa apre lagè a.
Washington demanti akizasyon sa yo.
Moskou te akize Washington nan mwa mas pou finansman rechèch sou devlopman zam byolojik nan Ikrèn.
Washington ak Kyev demanti laboratwa sa yo gen entansyon pwodwi zam biyolojik nan Ikrèn. Etazini pè Moskou ap fè akizasyon sa yo pou kache fey kouvri vre entansyon li pou itilize kalite zam sa yo nan Ikrèn.
Izumi Nakamitsu, sou-sekretè jeneral Nasyonzini pou zafè dezameman, te di tou nan mwa mas ke Nasyonzini an "pa okouran de okenn pwogram zam byolojik nan Ikrèn."
An fevriye, Pyongyang te di ke politik Etazini se "kòz kriz la nan Ikrèn ".
Kore di Nò rekonèt ofisyèlman 2 rejyon gwoup separatis Ikrenyen yo te oto-pwoklame endepandan.
