Prezidan Ikrèn nan, Volodymyr Zelenskyy, deklare “nou ta dwe atann nou aske Larisi lanse atak ki pi sevè” semèn sa a nan moman Inyon Ewòp la ap anvizaje posiblite pou yo apiye yon estati kandida pou Ikrèn. Nan yon mesaj lidè ikrenyen an prezante dimanch swa, li di:
“… E se pa kont Ikrèn sèlman, men tou kont kèk lòt peyi ewopeyen. N ap prepare nou. Nou deja pare. N ap avèti patnè nou yo. “
Semèn pase a, Komisyon Ewòp la te rekòmande pou Ikrèn resevwa estati kandida a. Nan yon reyinyon ki fikse pou jedi ak vandredi, 27 eta manm yo pral fè deba epi vote sou dosye a. Si Ikrèn rive jwenn estati kandida a, pwosesis pou l tounen manm total IE kapab pran plizyè ane.
Pandansetan, Minis Trezò ameriken an, Janet Yellen, ak Minis Finans Kanada a, Chrystia Freeland, te sipoze rankontre nan Toronto lendi pou yo abòde dosye sanksyon yo ak plis mwayen pou yo ranfòse presyon ekonomik la sou Larisi.