Nan yon nòt pou laprès prezidan ameriken an fè parèt, li di li te anonse tokay ikrenyen li, Vladimir Zelensky, nouvo èd sa a ki monte anviwon yon milya dola pandan yon konvèsasyon pa telefòn. Biden deklare:
"Mwen reyafime angajman Etazini pou li sipòte Ikrèn pandan l ap defann demokrasi li, pwoteje souverènte ak entegrite teritoryal li fas ak yon agresyon Larisi lanse san rezon kont li."
Biden ajoute nouvo tranch èd sa a gen ladan l "plis atiyri ak pyès defans pou kòt yo, minisyon pou pyès atiyri ak lans wòkèt avanse ke Ikrenyen yo bezwen pou operasyon defans yo nan Donbas."
Lidè ameriken an anonse tou yon nouvo tranch èd imanitè pou Ikrèn pou yon sòm 225 milyon dola, sitou sou fòm dlo potab, pwovizyon medikal oswa manje. Prezidan Etazini an fini pa di:
"Kouraj, tenasite ak detèminasyon pèp ikrenyen an rete yon enspirasyon pou lemond antye."
