Bank la ajoute ke plizyè peyi ka tonbe nan resesyon. Li di se pandemi Covid-19 la ki lakoz pifò nan pwoblèm nan e ke envazyon LaRisi nan Ikrèn nan jwe yon wòl ladann tou.
Gen gwo danje pou enflasyon rete wo, ansanm ak nivo chomaj la, pandan demand pou machandiz yo ka fèb," se sa Prezidan Bank Mondyal David Malpass ekri nan entwodiksyon rapò a. Li ajoute, "Kwasans ralanti ka
pèsiste pandan tout dizèn lane sa a akoz envestisman ki piti nan pifò mond la."
Bank la panse kwasans mondyal la pwal rete nan alantou 3 pousan ant 2023 ak 2024, pandan enflasyon an ka rete wo nan plizyè ekonomi.
Kwasans nan Etazini, dapre Bank la, ka sèlman 2,5 pousan ane sa a, yon bès konpare ak 5,7 pousan ane pase.
Ewòp tou ap wè yon kwasans 2,5 pousan, konpare ak 5,4 pousan ane pase, dapre sa bank la predi.