2 jou anvan dewoulman yon sesyon konsèy la ki pral dire 2 jou, prezidan gwoup la, Charles Michel, ekri yon lèt kote li fè konnen Ikrèn “ap demontre yon kouraj ak yon diyite enkwayab devan agresyon ak atwosite Larisi.” Michel deklare:
“Youn nan pi gwo preyokipasyon nou se pou n pote asistans bay eta ikrenyen an nan bezwen li genyen pou lajan likid; nou dwe fè sa ansanm avèk patnè entènasyonal nou yo. Nou pral abòde tou pi bon mwayen pou n apiye rekonstriksynn Ikrèn, paske yon gwo efò mondyal pral nesesè pou rebati peyi a.”
Lidè Konsèy Ewopeyen an ajoute sou pwogram rankont la pral genyen efò pou poze pwoblèm ogmantasyon pri enèji a ki makoken ak konfli a mete sou nesesite pou “akselere tranzisyon enèjetik la” yon fason pou mete fen pwogresivman nan depandans Lewòp de gaz ris la, pandan ke yo pral diskite tou sou mwayen pou rezoud pwoblèm tankou sekirite alimantè ak ogmantasyon pri yo.
