Washington - Prezidan Joe Biden siyen, nan jounen mekrèdi 25 me a, yon lòd egzekitif ki, daprè sa l di, pral pote plis sans responsablite ak efikasite nan travay lapolis ak jistis kriminèl la. Lidè ameriken an siyen dokiman an nan okazyon 2èm anivèsè asasina George Floyd -yon nwa ameriken ki te abite nan vil Minneapolis- anba men yon polisye blan. Biden deklare:
“Se yon egzanp ki montre sa nou ka fè ansanm pou n geri nanm peyi a… pou n konfwonte lapèrèz, twoma, fatig ke Ameriken Nwa yo an patikilye ap eksperimante depi plizyè jenerasyon. Se yon zouti rar k ap pèmèt nou fè pwogrè pandan anpil ane...”
Lòd egzekitif la kreye yon baz de done nasyonal kote yo pral anrejistre movèz conduit lapolis; li egzije ankèt ki fèt a tan, ki total, global epi ki pi serye; li mande anrejistreman sou video aktivite lapolis; li entèdi lapolis trangle yon moun l ap arete; epi, antwòt, li prevwa nouvo règleman ak prensip.
