Malgre politik afè etranjè Etazini pandan premye pati prezidans Joe Biden nan te santre plis sou kesyon tankou LaChin k ap moute, ak envazyon LaRisi nan Ikrèn, Biden pwal konfwonte, semèn sa a, ak yon lòt pwoblèm nan politik afè etranjè, yon Kore di Nò ki gen zam nikleyè.
Biden, k ap pati demen vandredi a pou premye vwayaj li ann Azi kòm prezidan, kote li pwal vizite Kore di Sid ak Japon, ka jwenn pou akeyi li yon gwo tès nikleyè Kore di Nò, dapre otorite Etazini ak Kore di Sid.
Sèvis ransèyman Etazini pale de posiblite reyèl ke Kore di Nò pwal fè yon tès swa nikleyè, swa ak yon misil ki tire lwen, oubyen tou le 2, nan jou yo ki antoure vwayaj Biden ann Azi a, dapre sa konseye Mezon Blanch sou sekirite nasyonal Jake Sullivan fè konnen mèkredi.
