Ikrèn fè konnen ke depi nan dat 3 Avril pase a fòs li yo te reprann tout zòn nan alantou kapital la Kyèv pou premye fwa depi LaRisi te lanse envazyon an. LaRisi te anonse apeprè nan menm moman an ke lame li ap santre sou 2 rejyon nan lès Ikrèn ki ap separe ak rès peyi a olye de kapital la oubyen vil yo andan peyi a.
Yon lòt kote, LaChin ap aprann leson nan lagè LaRisi nan Ikrèn nan pou amelyore estrateji batay li e pare li pou sanksyon ekonomik si Peken janm atake Taiwann ki ap gouvène tèt li, se sa kèk ekspè kwè.
Yo di peyi a ka ap fè plis efò pou li jwenn solisyon pasifik pou Taiwann ki nan distans 160 kilomèt ak Chin kontinantal la.
LaRisi ap fè fas ak pi gwo rezistans militè ke li te atann nan Ikrèn depi envazyon li a 24 Fevriye pase, espesyalman nan lari vil yo, ansanm ak sanksyon ekonomik du bò kote loksidan ak plis èd militè ki soti nan lòt peyi.
Otorite chinwa yo ap etidye kèk mwayen pou yo pran Taiwann yon jan rapid nan vize fwaye kominikasyon yo sou zile a ansanm ak gwo enstitisyon politik yo, dapre sa kèk analis kwè.
