Sekretè Deta Etazini Antony Blinken kondane ak tout fòs ayè dimanch la LaRisi ke li akize pou atwosite lagè nan Ikrèn pandan mond la te wè kadav moun Ikrèn ki te rete dèyè tankou fatra nan lari Bucha, yon banlye nan alantou kapital la Kyèv apre twoup ris yo te kite zòn nan, dapre deklarasyon Blinken.
Blinken deklare Etazini ap travay du pou dokimante krim lagè LaRisi nan tout Ikrèn, menm lè Ikrèn fè konnen li repran kontwòl pati sant-nò nan alantou kapital la. Twoup Moskou yo kite Bucha pou yo konsantre sou nouvo atak nan kèk vil nan sid Ikrèn arebò Lanmè Nwa a e nan rejyon Donbas ki an diskisyon nan lès Ikrèn.
