WASHINGTON —
Prezidan Joe Biden nan wout pou'l al Ewòp nan yon moman kritik nan lagè Ikrèn nan pandan La Risi kontinye lanse atak ayeryen epi tire gwo zam lou.
Biden ap chache enpoze nouvo sanksyon kont dè santèn manm Duma Leta Ris la, kidonk chanm bas palman an, dapre yon responsab Ameriken ki pale sou kondisyon pou yo pa site non ni, paske nouvèl la poko anonse.
Biden pral rankontre ak alye yo nan Brussels, Jedi.
LOTAN, Inyon Ewopeyen an ak Gwoup dè 7 la (G-7) ap fè rankont o somè Jedi.
Vandredi, Biden sipoze vwayaje Polòy, kote yon pakèt refije debake apre yo kouri kite zon batay yo nan Ikrèn. Gen plizyè milyon moun ki pran refij nan Polòy, ki pataje yon frontyè ak Ikrèn.
