Prezidan Ris Vladimir Putin te deklare lagè ak Ikrèn, li te mande militè Ikrenyen yo, pou yo depoze zam yo. Yo te atake plizyè vil nan peyi Ikrèn Jedi maten. Ikrèn pwomèt pou li defann tèt li.
Minis Zafè Etranje Ukrainian Dmytro Kuleba te di sou Twitter. "Putin fèk lanse yon envazyon, yon lagè konplè sou Ikrèn,"
Prezidan Ris Vladimir Putin li menm anonse yon operasyon militè nan rejyon Donbass nan lès Ikrèn byen bonè jedi.
Nan yon diskou ki te emèt sou televizyon nasyonal Ris jedi anvan 6è nan maten lè lokal, Putin te mande fòs Ikrenyen yo pou yo depoze zam yo epi retounen lakay yo, "Plan nou yo se pa okipe Ikrèn ".
Dapre jounal New York Post minis afè etranjè Ikrè lan Dmytro Kuleba te deklare ke" Ikrèn pral defann tèt li. Mond lan kapab e dwe ede fè Putin sispann atak li yo. Li lè pou nou aji - kounye a”.
"Mond lan dwe aji imedyatman. Lavni Ewòp ak mond lan an danje. " minis Kuleba te bay yon lis bagay ke lidè entènasyonal yo kapab fè pou ede:
1. Pran sanksyon devastatè kont Larisi kounye a
2. Konplètman izole Larisi pa tout mwayen, nan tout fòma
3. Zam, ekipman pou Ikrèn
4. Asistans finansye
5. Èd imanitè"
Vladimir Putin bò kote pa l, jistifye aksyon depwaman militè Ris yo nan peyi Ikrèn, li di se separatis pro ris yo nan ès Ikrèn ki mande vin ede yo.
Ikrèn gen entansyon defann tèt li
Anvan aksyon militè a te anonse, Prezidan Ukrainian Vladimir Zelensky te mande pou lapè men li te pwomèt tou ke peyi li ap defann tèt li. Nan yon diskou televize li te bay nasyon an, li te di li te planifye pou deklare "lwa masyal" nan peyi a akòz atak Ris la. yon ti tan anvan 7 nan maten
Nan yon deklarasyon prezidan Ameriken an deklare ke "Prezidan Putin te chwazi (pou lanse) yon atak premedite ki pral lakòz soufrans ak pèt imen".
"Prezidan Putin te chwazi yon lagè premedite ki pral lakòz pèt katastwofik nan lavi ak soufrans imen. Larisi gen responsablite sèl pou lanmò ak destriksyon atak sa a pral lakòz, epi Etazini ak alye li yo ak patnè yo pral reponn. fason desizif. Mond lan pral rann Larisi responsab."
Nan yon tweet, Sekretè Jeneral Nasyonzini an te mande Vladimir Putin "pou fè militè li yo retounen Larisi epi sispann lagè a."
