Kylie Jenner anonse nesans dezyèm pitit li pou rapè Travis Scott nan yon mesaj li pibliye Dimanch 6 Fevriye sou rezo sosyal yo. Li mete yon kè ble ki endike pitit la se yon gason.
Aktris, manken e pwopriyetè konpayi pwodui bote a, ki gen 24 an, pa bay non pitit la.
Dapre mesaj la ti bebe a pran nesans Mèkredi, 2/2/22, e sou Instragram, Kylie mete yon foto nwa e blan ti bebe a kap kenbe men gran sè li, Stormi, ki fèk gen 4 an premye fevriye.
Jenner pibliye tou foto bouke flè ke rapè Scott, ki gen 30 an, epi manm fanmi ni tankou sè li, Kim Kardashian-West voye ba li pou felisite'l.
